कोरोनामुळे राज्यातील शाळा-महाविद्यालय ३१ मार्चपर्यंत बंद

       राज्यात कोरोना व्हायरसचा प्रार्दुभाव वाढत असल्याचं दिसून येत आहे. त्यामुळे आता राज्य सरकारने अत्यंत महत्त्वाचा निर्णय घेतला आहे. ज्यानुसार, राज्यातील सर्व सरकारी आणि खाजगी शाळा, महाविद्यालये आणि इतर शैक्षणिक संस्था ३१ मार्चपर्यंत बंद ठेवण्याचे आदेश देण्यात आले आहेत. यासाठी एक अत्यंत तातडीचे परिपत्रक देखील काढण्यात आलं आहे.

दहावी आणि बारावीची परीक्षा वेळापत्रकानुसारच:शाळा आणि महाविद्यालये यांना जरी ३१ मार्चपर्यंत सुट्टी देण्यात आली असली तरीही दहावी आणि बारावीच्या परीक्षा या वेळापत्रकानुसारच होणार असल्याचं सरकारने स्पष्ट केलं आहे. त्यामुळे या परीक्षांसाठी असणारी परीक्षा केंद्र सुरु राहणार आहेत.

महाराष्ट्र राज्यातील सर्व महानगरपालिका, सर्व नगरपालिका आणि सर्व नगर पंचायत क्षेत्रातील सर्व सरकारी आणि खाजगी शाळा तसेच महाविद्यालये आणि आयुक्त, व्यवसाय व प्रशिक्षण केंद्र यांच्या आस्थापनेवरील शैक्षणिक संस्था या साथरोग प्रतिबंधात्मक कायदा ३१ मार्च २०२० पर्यंत बंद ठेवण्याचे सूचित करण्यात येत आहे.
तथापि, सर्व महानगरपालिका, सर्व नगरपालिका आणि सर्व नगर पंचायत क्षेत्रातील १०वी आणि १२वी च्या परीक्षा वेळापत्रकानुसारच घेण्यात याव्यात असाही निर्णय घेण्यात आला आहे.
सार्वजनिक आरोग्य विभागाकडून हे परिपत्रक काढण्यात आले आहे.

दरम्यान, राज्यात कोरोना बाधित रुग्णांचा आकडा सतत वाढत आहे. सध्या राज्यात एकूण २२ जणांना कोरोनाची लागण झाल्याचं उघड झालं आहे. त्यामुळे आता प्रतिबंधात्मक उपाय म्हणून सरकराने सर्व शाळांना सुट्टी देण्याचे आदेश दिले आहेत.

Official News Channel Link

Zeenews
https://zeenews.india.com/marathi/maharashtra/confirmed-all-school-closed-remains-state-due-to-corona/512619


ABP MAJHA
https://marathi.abplive.com/news/maharashtra/school-and-colleges-in-maharashtra-will-be-shut-due-to-coronavirus-govt-declares-school-shut-750383

Maharashtratimes
https://maharashtratimes.indiatimes.com/maharashtra/mumbai-news/coronavirus-maharashtra-schools-colleges-remains-shuts-till-31st-march/articleshow/74627693.cms